Shooting Stars Episode 21

Nagbabalik ang author na walang ginawa kungdi ubusin ang oras kakahanap ng inspirasyon para magtuloy- tuloy ang storya ni Ken.

Nagpapasalamat po ako sa mga bumubuo ng MNB Facebook page at kay Onichan Kenji dahil isa sya sa mga nagbigay sa akin ng inspirasyon para gawin ang mga storya ko.

Salamat din po sa walang sawang nagbabasa ng aking story!

Especially kila:

Ginno, Angel Marco Menor Aka Marc of K.S.A., Monty, Marshy, Franklin Aviola, Kiero 143,

Zenki of Kuwait, Mark 5337, Sinbad, Frostking, robert_medoza. Anita baker, JD Javra, eunchi, diumar, curious19, Hiya!, Caranchou, nathanielgarcia, Paopi Lopez, JayAR, toff, Weil libog, Ryval, PauulFabian at sa mga Annonymous at Silent Readers!

Kayo po ang aking dahilan para magkaroon ng inspirasyon! :)

(Pwede po kayong mag suggest and comment para mapaganda pa ang story!)

Enjoy Reading Guys!

Note:

Ayan natapos ko ito ng 4 hours lang! sana magustuhan nyo :)

Ang Kaibigan kong si Luke at si Drei.

“Ace!” sabi ko nang makita ko syang naghahabol ng hininga.

“Bingi ka ba?” sabi nya sa akin at nakita kong nainis sya.

“Sorry, hindi ko naman sinasadya!” sabi ko sa kanya at biglang lumapit ito sa akin at niyakap nya ako.

Ang bilis ng pangyayari sa mga oras na yun at naramdaman ko ang kanyang katawan dahil sa pagkakahigpit ng pagkayakap nya sa akin, agad akong kumalas at tumingin sa kanya ng seryoso.

“What’s wrong with you?” sabi ko sa kanya at napakamot lang ito ng ulo.

“Ah...Kasi... I just wondering if I can court you?” sabi nito sa akin na parang batang dahan dahan pang nagpaalam sa akin.

Nagulat ako sa kanyang sinabi at hindi na ako nakapagsalita, agad ko syang tinalikuran at sinara ang compartment.

“Teka!” sabi nya sa akin at hinawakan nya ang mga braso ko.

“Alam mo Ace, hindi ko alam kung ano ang maisasagot ko eh, kasi ayokong masaktan!” sabi ko sa kanya at napatigil sya.

“Ayaw mong masaktan?” sabi nito sa akin at tumingin ako ng direcho sa kanya.

“Oo Ace! Ayokong masaktan at makasakit ng tao!” sabi ko sa kanya.

Agad naman itong lumapit sa akin at napasandal ako sa aking sasakyan, naramdaman kong bumibigat ang pagkakasandal ko, at dahan dahang lumalapit ang mukha nya sa akin.

“May kulang pa ba sa akin para manligaw sayo?” sabi ni Ace na parang binuhos na nya ang kanyang tapang sa sinabi nya.

“I think you’re a perfect person, fits for a girl not like me!” sabi ko sa kanya at hindi pa din nya ako pinakawalan.

Nakita kong biglang lumuhod sya sa akin at napatingin ako sa aking paligid na baka may makakita sa ginagawa ni Ace.

“Please?” sabi nya sa akin at natawa naman ako sa kanya.

“Tumayo ka nga dyan!” utos ko sa kanya at hindi pa din sya tumayo.

“Tatayo ako kapag sinabi mong oo!” sabi lang nya sa akin na parang hinahamon ako.

Hindi ko alam kung bakit na mesmerize ako sa kanyang pagmamakaawa pero hindi ko ito pinahalata sa kanya at pumasok ako sa aking sasakyan.

“Bukas wala naman akong pasok, baka pwede kang dumalaw sa bahay!” sabi ko sa kanya at nakita ko ang Ace na dating nakilala ko, yung masiyahin at masigla.

“Talaga! Pinapayagan mo ako?” sabi ni Ace sa akin at hindi muna ako nagsalita dahil ilalabas ko sa park ang aking sasakyan.

“Kung kaya mo sila daddy at yung dalawa kong kapatid na magustuhan ka, why not!” sabi ko sa kanya at umalis na ako sa school.

Nakita ko sa rear mirror na nagtatatalon sa tuwa si Ace dahil excited sya.

Mabilis ang naging byahe ko dahil na din walang traffic at nang makapasok na ako sa bahay ay agad kong hinanap si daddy na kasama ngayon ang dalawa kong kapatid sa kwarto ni kuya.

“We need to talk guys!” sabi ko sa kanila nang binuksan ko ang pintuan ni kuya.

“Pwede ka namang kumatok ah!” sabi ni kuya sa akin at lumapit sila sa akin.

“Parang problemado ka ah!” biro ni Jiro sa akin at ngumiti ako.

“Si Ace kasi! Gustong umakyat ng formal courtship!” sabi ko at nakita ko si daddy na lumapit sa akin.

“So ano ang gusto mo?” sabi ni daddy sa akin.

“Alam mo na yun dad! Yung pinag usapan natin!” sabi ko sa kanya at tumango lang ito.

“Oh pumunta ka na dun sa room mo at magpalit!” sabi ni kuya at sinara na nila ang room ni kuya at nagpatuloy sa paglalaro ng video game.

Mabilis akong nag shower at bumaba na sa dining room para kumain na.

“Oh kamusta ang inter school?” sabi ni mommy habang sya na ang naghahanda sa akin ng pagkain.

“Okay naman ang first game ko, panalo kami!” sabi ko kay mommy at napatigil sya sa paghahanda at lumapit sa akin.

“Talaga! Ang galing mo talaga!” sabi ni mommy at niyakap nya ako.

“At rank 2 ako sa mga subjects ko dahil nilabas na ang results!” sabi ko kay mommy at hinalikan nya ako sa pisngi ng marami.

“Oh heto na gatas mo!” sabi ni nay Elsa at nilagay nya ang gatas sa lamesa.

“At...” sabi ko at lumapit sa akin sila nay Elsa at mommy sa aking inuupuan.

“Ano anak? May problema ba?” sabi saken ni mommy at hinaplos nya ang aking buhok.

“Si Ace po kasi... Uhm... paano ko ba sasabihin ito?” mahina kong sabi at ngumiti si mommy sa akin.

“Anak we’re your family!” sabi saken ni mommy at niyakap ko siya at nakita kong ngumiti din si nay Elsa.

“Si Ace po kasi gustong manligaw sa akin...” sabi ko at napatungo ako.

“Oh di maganda! Bakit? Hindi ka ba masaya?” sabi ni mommy at ngumiti ako.

“Eh masaya naman po! Kaso nga lang hindi ko po kasi kayang makasakit kapag may times na hindi kami nagkakaintindihan!” sabi ko kay mommy at ngumiti lang sya sa akin.

“Ganyan talaga anak! Basta wag kang mag focus sa future, dito ka sa present para malaman mo ang mga weakness nyo sa isa’t isa!” sabi ni mommy at ngumiti lang ako sa kanya.

Natapos na akong kumain at umakyat na sa room dahil magpapahinga na ako.

“Hay! Sana ay sigurado na sya sa kanyang ginagawa!” sabi ko na lang sa aking sarili at nahiga na ako, pinikit ko ang aking mata at nakapagpahinga na.

Nagising ako sa isang ingay na nanggaling sa tunog na ginagawa nila Jiro sa sala, kaya naghilamos na ako at kahit naka pajama ay bumaba ako at tignan kung ano ang ginagawa nila.

“Good morning kuya!” bati sa akin ni Jiro at nakita kong naglalaro sila ng dance revolution.

“Good morning din!” sagot ko at bumaba na at pumunta ng dining room para kumain ng agahan.

“nay Elsa gatas po!” sabi ko nang makaupo na ako sa dining room.

Binigay sa akin ang gatas at napansin kong iba ang breakfast.

“Sino gumawa nito?” tanong ko kay nay Elsa at ngumiti lang ito.

“Oh gising ka na pala!” sabi ni mommy nang pumasok sya galing garden.

“Mommy kayo po ba ang nagluto nito?” tanong ko kay mommy at lumapit sya sa akin.

“Ah hindi ako nagluto nyan! Yung bisita mo!” sabi nya sa akin at nagulat naman ako dahil wala namang nagsabing dadalaw ang mga kaibigan ko or si Troy.

“Bisita? Ang aga ah! Asan po sya?” sabi ko at tinuro nya sa labas at nakita kong nakaupo sya sa may bench.

Pumunta ako sa sala at nakita kong nakatalikod ito, parang si Ace yun at napangiti ako, nagmadali akong lumabas at pinuntahan sya.

Nang makarating ako ay piniringan ko ang kanyang mata at narinig ko syang nagulat.

“Ken?” sabi nya sa akin at tinanggal ko ang aking kamay sa kanyang mata.

“Oh bakit ang aga mo?” sabi  ko sa kanya at tumayo ito.

“Ahh... kasi gusto kong ipagluto ka ng breakfast!” sabi nya sa akin at natawa naman ako.

“Ayaw mo lang makita ka nila daddy!” sabi ko sa kanya at napakamot ito ng ulo.

Natawa ako sa kanya at pumasok na ulit kami at pumunta sa sala.

“Hey! Ikaw na!” sabi ni Jiro kay Ace at napansin kong kanina pa sila naglalaro ng dance revolution.

“Sali ka?” sabi ni Ace sa akin at umiling lang ako.

“Kuya ang galing pala ni kuya Ace sa dance revo!” sabi ni Jiro sa akin at ginulo ko ang kanyang buhok.

“Teka? Kuya Ace? Eh diba dati Ace lang tawag mo dyan?” sabi ko kay Jiro at natawa lang sya.

“Eh kasi manliligaw mo sya, kaya kuya na tawag ko sa kanya!” sabi ni Jiro at natawa ako sa kanya.

“Siguro sinuhulan mo ang bunso namin no!” sabi ko kay Ace na nakafocus sa paglalaro.

“Hindi ah!” sabi ni Ace habang nakatingin lang sa TV.

Pinanood ko syang maglaro sa dance revo at hindi ko maipaliwanag kung bakit nakakabighani ang bawat galaw nya sa bawat arrows na lumalabas.

“Hey! Tulala!” biro sa akin ni Ace nang matapos nya ang laro.

“Teka! Ako nga! Baka malampasan pa kita!” biro ko at umupo na sya sa sofa.

Hindi ako marunong sumayaw pero hilig namin laruin itong dance revo, kahit kapag nag bo-bonding kami ito ang ginagawa namin.

“Whoooot whooot!” biro ni Ace sa akin at nakapili na ako ng tugtog sa console.

“Oh ayan na!” sabi sa akin ni Ace at hindi ako umiimik dahil naka focus ako sa TV.

Mabilis ang paglalabas ng mga arrows kaya mabilis din ang mga tapak ko sa pad, nahirapan ako kahit alam ko na ang tugtog, dahil yun at yun lang ang pinapatugtog ko.

“Nice!” sabi ni Ace at tumayo na sya.

“Kitams!” sabi ko sa kanya at natalisod ako sa paglalakad.

Agad naman akong nasalo ni Ace at napayakap ako sa kanya, nakita kong papalapit ang kanyang mukha.

“Ehem!” sabi ni mommy at biglang nagulat kami.

“Hi!... Tita!” sabi ni Ace at tumayo ng maayos.

“Pa hard to get ka pa! Eh bumibigay ka naman!” biro ni mommy sa akin at namula ako, nagtatatakbo ako sa room at naligo.

Habang naliligo ako ay naaalala ko ang mukha ni Ace, napaka amo nito at masayahin, ang kanyang mga labi na masarap halikan, ang boses na kayang magsalita ng magaganda.

Nag aayos na ako ng buhok nang pumasok si Jiro sa aking kwarto.

“Kuya, nakita namin yun!” sabi ni Jiro at nakikita kong natatawa sya.

“Shhh! Wag ka ngang makulit!” biro ko sa kanya at tumawa ito.

Sumabay na sya pababa at nakita kong kasama ni Ace si mommy na parang may pinag uusapan.

“Tara gala tayo sa subdivision!” sabi ko kay Ace at tumingin sya kay mommy.

Tumango naman din si mommy at lumabas na kami sa bahay, habang naglalakad ay napapansin ko si Ace na nakatingin sa akin.

“May dumi ba?” sabi ko at hinaplos ko ang aking mukha.

“Ah... wa... wala!” sabi nya sa akin at tumingin ito ng direcho.

Napaka gaan ng pakiramdam ko, parang hindi ako napagod kahapon.

Napapatingin din ako kay Ace paminsan minsan at kapag natingin sya ay nilalayo ko ang aking mga mata sa kanya at nagpatuloy kaming maglakad.

Dumaan kami sa bahay ng mga naging kaibigan nila mommy na si lola Mildred nakita namin na nag gugupit sya ng kanyang mga alagang halaman at nakita nya ako.

“Good morning!” bati nya sa akin.

“Good morning too lola!” sabi ko lang at lumapit sya sa gate.

“So how’s your day? Is it beautiful or full of excitement?” sabi nya sa akin at napangiti ako.

“I don’t know, maybe beautiful with full of excitement!” sabi ko at natawa sya, bumalik na sya sa kanyang ginagawa at naglakad na ulit kami.

“I don’t know na pilosopo ka!” sabi ni Ace sa akin at natawa naman ako.

“Loko! Ganyan kasi si lola! She doesn’t talk serious matter, ang gusto nya lagi ay positive lang!” sabi ko sa kanya at tumigil kami.

“Uhm Ken?” sabi nya sa akin at humarap ito sa akin.

“Yes?” sabi ko lang sa kanya at ngumiti ito.

“About dun sa nangyari kanina—uhm” sabi nito na parang nahihirapan sabihin ang kanyang nasa isip.

Lumapit ako sa kanya at hinaplos ko ang kanyang mukha, dahan dahang naglalapit ang mga titig namin, nararamdaman ko na ang kanyang ilong, at pinikit ko ang aking mga mata, hinaplos ng hangin ang aming mga mukha na sumasabay sa emosyon naming dalawa.

“Yun ba gusto mo?” sabi ko sa kanya nang magkalas na ang aming mga labi.

Natulala ito sa ginawa ko at namula, nabatukan ko sya at natawa kami, naglakad kami hanggang sa makapunta kami sa clubhouse na nasa gitna ng playground.

“Ang sarap sa pakiramdam!” sabi ni Ace at ngumiti ako sa kanya.

“Dahil?” sabi ko sa kanya.

“Dahil ang hangin dito! Maaliwalas at Comfortable ako!” sabi nya sa akin.

Medyo nakaramdam ako ng lungkot dahil inaasahan kong magsasabi sya ng sweet thoughts or na kasama nya ako pero hindi, okay lang naman yun! Dahil ngayon ko lang din sya nakasama ng kami lang.

Tumingin sya sa akin at tumitig lang din ako.

“Dahil kasama kita dito sa lugar na ito” bulong nya sa akin at hinawakan nya ang aking kamay.

Kakaibang saya ang nararamdaman ko sa mga oras na yun, biglang nag ring ang phone ko at nakita ko kung sino ang tumatawag kaya lumayo muna ako kay Ace at sinagot ito.

“Argel?” sabi ko sa kanya.

“Asan ka?” sabinya na medyo naiinis.

“Dito lang sa amin, nagala sa loob ng subdivision.” Sabi ko sa kanya at narinig ko ang isang malalim na paghinga nya.

“Dadalawin sana kita, kaso baka busy ka!” sabi nya sa akin at napatingin ako kay Ace.

“Ah... Eh... Kasi...” sabi ko sa kanya.

“Oh bakit?” sabi lang ni Argel sa akin.

“Andito kasi kapatid mo!” sabi ko sa kanya at hindi sya nakapagsalita.

“Good morning sir James!” bati ng butler namin.

Naramdaman ko ang sikat ng araw na humahalik sa aking mga pisngi at binuksan ng maid namin ang curtain, isang magandang panahon para sa isang panibagong araw.

Pumasok ako sa CR at naligo, dahil walang pasok kami ay naalala ko si Ken dahil hindi ko talaga maipaliwanag kung anong meron sa tao na yun at nagkakaganito ako sa kanya.

“Good morning ma!” sabi ko at umupo na ako nang makarating na ako sa dining room namin.

Binigyan ako ng breakfast at kumain na ako, hindi ako umiimik dahil alam ko naman na ang magiging topic namin ay sa pagkatalo ng team namin sa game one ng inter school.

“Hope you have a great day!” sabi ni papa sa akin at ngumiti lang ako.

“Oh sya! We need to go! May pasok pa kami eh!” sabi ni mama sa akin at tumingin ako sa kanila.

“Asan pala si Ace?” sabi ko at nagtinginan sila.

“Pumunta kila Ken...” sabi ni mama at parang nakaramdam ako ng kakaiba sa aking sarili, parang mabilis uminit ang ulo ko kapag sinasabi nila na si Ace ay nasa bahay nila Ken or kasama ni Ken...

“Ahh Okay!” sabi ko na lang at hindi ako nagpahalatang galit.

Lumabas na sila mama at papa, ako naman umakyat sa aking room para magpahinga ulit, nakita ko si lolo na lumabas na ng kwarto nya at nilapitan ako.

“Mukhang iba ang itsura mo ngayon ah!” pansin nya sa akin at napatingin lang ako sa kanya.

“I’m okay lolo, don’t worry!” sabi ko sa kanya at hinawakan nya ang balikat ko.

“Kilala kita!” sabi nya sa akin at hindi ko na napigilan at niyakap ko sya.

“Bakit kasi sa isang tao pa kami nagkakaroon ng connection ni Ace!” sabi ko sa kanya at hinaplos nya ang likod ko.

“Bakit? Kung andun si Ace? Hindi mo ba kayang makipagkompitensya sa kapatid mo?” sabi ni lolo sa akin at napatingin ako sa kanya.

“I know you and Ace have feelings for Ken!” dagdag pa ni lolo at inayos ko ang aking sarili.

“I’ll go down to eat my breakfast!” Paalam ni lolo sa akin at tumango lang ako.

“Ano kayang pwedeng gawin ngayon?” sabi ko habang nakahiga sa aking kama.

Kinuha ko yung phone ko at nag browse, nakita ko ang picture ni Ken at naalala ko sya, kaya tinawagan ko sya.

“Argel?” sabi nito sa akin habang naririnig ko ang mga lagaslas ng hangin kaya nag alala ako baka dinala sya ni Ace sa burol.

“Asan ka?” sabi ko sa kanya na napataas ang aking boses.

“Dito lang sa amin, nagala sa loob ng subdivision.” Sabi nya sa akin at nakahinga ako ng maluwag.

“Dadalawin sana kita, kaso baka busy ka!” sagot ko lang at hindi na nagsalita pa.

“Ah... Eh... Kasi...” sabi nya sa akin at parang nagtaka naman ako.

“Oh bakit?” sabi ko lang sa kanya dahil ngayon ko lang syang narinig na hindi makapag isip.

“Andito kasi kapatid mo!” sabi nya sa akin at nakaramdam ako ng kirot sa aking dibdib na hindi ko alam kung bakit ako nagkakaganun sa isang bagay.

“Nagseselos ba ako?” sabi ko sa aking sarili at napailing.

Narinig kong binaba na nya ang phone at hindi na muna ako tumawag sa kanya.

Naalala ko ang sinabi ni lolo sa akin kanina.

“Hindi mo ba kayang makipagkompitensya sa kapatid mo?” sabi nya sa akin kanina at napaisip ako.

“Alam ko na!” sabi ko at umupo ako at tinawagan ang mga kaibigan ko.

“Oh bakit daw sya napatawag?” sabi ni Ace sa akin nang binaba ko na ang phone dahil hindi na nakasagot si Argel.

“Wa.. wala yun! Nangamusta lang!” sabi ko sa kanya at ngumiti lang ito sa akin.

Naglakad kami at umalis nang tuluyan sa clubhouse, nakita namin ang mga bata na naglalaro sa playground at hinila ko si Ace para pumunta sa swing.

“Para kang bata!” sabi nya sa akin at ngumiti lang ako.

Masaya ako nung mga oras na yun, dahil parang gusto ko na talaga si Ace, iba talaga ang pakiramdam ko sa kanya, parang sya ang clown ng mundo ko.

Nakauwi kami sa bahay na madungis at pawisan, nakita ko na andyan ang sasakyan ni daddy at nagtatatakbo ako papunta sa kanya.

“Daddy!” sabi ko at tinignan nya ako simula ulo hanggang sa paa.

“Oh sino ka?” biro ni kuya sa akin.

“Kuya naman eh!” sabi ko at nagtampo sa kanya, natawa naman si daddy sa itsura ko.

“Ate Elsa, paki liguan nga itong bunso namin!” biro ni daddy at nakita nya si Ace sa may sala na nakatayo.

“Good afternoon po!” sabi ni Ace at tinignan lang sya.

“Umupo ka dyan!” sabi ni Kuya at sumunod lang ito.

“Ken, maligo ka na okay?!” sabi ni Daddy sa akin at nagtatatakbo ako papunta sa aking kwarto at nakita ko sila daddy at kuya ay pinagitnaan si Ace.

“So sinabi sa akin ni Ken na nangliligaw ka sa kanya!” sabi ni Tito Gino sa akin at tumango lang ako.

“Seryoso ka ba sa kapatid ko?” sabi ni kuya Kino sa akin at napatingin ako sa kanya.

“O—opo Se...Seryoso po ako sa kanya!” sagot ko at nakita kong huminga sila ng malalim.

“Sige! Papayagan kitang manligaw sa anak ko! Basta kapag nakita kong dumidiskarte ka sa iba! Patay ka talaga sa amin ng kuya nya!” sabi ni Tito Gino at tumingin lang ako sa kanila.

“Sa...Salamat po! Promise po! Hindi ko po sya gagaguhin!” sabi ko lang at parang natanggalan ako ng tinik sa katawan nang pinayagan nila ako.

Bumaba na ako at nakita kong tumayo na sila daddy sa sala at umakyat na.

“Ayan na ah! Kinausap ko!” sabi ni Daddy at ngumiti lang ako.

“Pogi mo talaga!” biro ni kuya Kino at ginulo ang buhok ko.

Pumasok na sila sa kanilang mga kwarto at bumaba na ako sa sala para puntahan si Ace.

“Ken uuwi na ako!” sabi ni Ace sa akin at tumango lang ako kahit nagtataka sa kanyang kinikilos.

Hinatid ko sya sa gate at sumakay na sya sa kanyang sasakyan, umalis na ito at pumasok na ako sa bahay.

“Ate Lea pag hinanap ako nila mommy paki sabi na nasa room lang ako” sabi ko at umakyat na ako sa aking kwarto.

Humiga ako at pinahinga ang sarili, ngunit nag ring ang phone ko at sinagot ko ito.

“Hello?” sabi ko sa kabilang linya.

“Ken pwede ka ba ngayon?” sabi nito sa akin at nagtaka ako, kaya tinignan ko ang caller ID at nakita ko ang pangalan ni Argel.

“Ano nanaman kaya gusto nito!” sabi ko sa aking sarili at pumayag sa kanyang invitation.

Itutuloy...