Shooting Stars Episode 16

Nagbabalik ang author na walang ginawa kungdi ubusin ang oras kakahanap ng inspirasyon para magtuloy- tuloy ang storya ni Ken.

Nagpapasalamat po ako sa mga bumubuo ng MNB Facebook page at kay Onichan Kenji dahil isa sya sa mga nagbigay sa akin ng inspirasyon para gawin ang mga storya ko.

Salamat din po sa walang sawang nagbabasa ng aking story!

Especially kila:

Ginno, Angel Marco Menor Aka Marc of K.S.A., Monty, Marshy, Franklin Aviola, Kiero 143,

Zenki of Kuwait, Mark 5337, Sinbad, Frostking, robert_medoza. Anita baker, JD Javra, eunchi, diumar, curious19, Hiya!, Caranchou, nathanielgarcia at sa mga Annonymous at Silent Readers!

Kayo po ang aking dahilan para magkaroon ng inspirasyon! :)

Enjoy Reading Guys!

Notes:
Sorry kung natagalan ang aking pag popost ng episodes, pero babawi ako ngayon...
Subaybayan nyo na dahil 4 pa na episodes ang ipopost ko.

-JaceOfCards (Spade)

“Good Morning!” Sabi nya sa akin.

“A—RGEL?!” sabi ko at ngumiti sya sa akin.

Nagtataka ako sa ginawa ni Argel at pati na din si Ace, kaya napangiti lang ako sa kanya.

“Bakit ka andito?” sabi ko sa kanya.

“Sabay na tayo pumasok!” sabi nito sa akin at nagulat naman ako.

“EH?!” sabi ko sa kanya at binigyan sya ng juice ni lola.

“Apo sige na! pumasok ka na kasabay siya!” Sabi ni lola at parang pinagplanuhan nila ito sa akin.

“Patay kayo sa akin!” sabi ko sa aking sarili at wala na akong nagawa at sumabay kay Argel.

“Marunong ka bang mag drive?” sabi ko sa kanya at tumingin ito sa akin habang papalabas kami ng gate.

“Oo naman! Bakit ikaw?” sabi nya sa akin.

“Hindi eh! takot akong mag drive!” sabi ko sa kanya at pinagbuksan nya ako ang pintuan.

Nang makapasok na kami ay agad nyang pinaandar ang sasakyan, at umalis na kami.

“Salamat manong!” sabi nya sa guard ng subdivision at binigay sa kanya ang school ID ni Argel.

“Sige! Ingat kayo!” sabi ng guard at umalis na kami.

“Oh mag seatbelt ka!” sabi nya at sinuot ko ang seatbelt.

Habang nasa daan ay napansin kong patingin tingin si Argel sa akin.

“May problema ka ba sa mukha ko?” sabi ko sa kanya at ngumiti lang ito.

Tumigil kami sa isang stoplight at nakita kong tumitig sya sa akin.

“Alam mo ba yung sinabi ko sayo sa ospital?” sabi ni Argel at naalala ko ang sinabi nya.

“Na ikaw ang poprotekta sa akin?” sabi ko at sabay tawa sa kanya.

Tumingin lang sya at napatigil ako sa pagtawa.

“Bakit naman?” sabi ko sa kanya.

“Dahil ayokong nahihirapan ka! Mahalaga ka sa akin Ken!” sabi ni Argel at natulala naman ako sa sinabi nya.

“Ano !?! Mahalaga ako sayo?!” paulit ko sa sinabi ni Argel at tumango lang sya sa akin.

“Ang awkward nga eh! iba itong nararamdaman ko pagdating sa iyo, parang may isang bagay na tumutulak sa akin na protektahan ka! at eto ang ginagawa ko!” sabi nya sa akin at natahimik ako.

Umandar na kami ulit at hindi na ako nakapagsalita dahil sa sinabi ni Argel, naramdaman kong nagvibrate ang phone ko at binasa ang text.

“Malapit ka na ba?” sabi ni Ace sa akin.

“Yep! Mga ilang minutes na lang!” reply ko sa kanya at agad na nagreply sya.

“Hintayin kita sa locker mo ah!” sabi nya sa akin.

“Okay!” sabi ko lang sa kanya at hindi na nagreply sya sa akin.

Nang makapasok na kami sa gate ng school ay agad nang pinark ni Argel ang sasakyan niya, at agad na akong lumabas.

“Ken!” sigaw ni Argel sa akin at tumingin ako sa kanya.

“Text mo ako kapag tapos ng class mo!” sabi ni Argel at ngumiti lang ako sa kanya.

Pagkapasok ko ay agad akong binati ng guard at napansin kong kakaiba ang mga kinikilos nila.

“Ikaw ba si Ken?” sabi ng isang estudyante.

“Yeah...? why?” sabi ko na parang awkward ang araw na yun para sa akin.

“I’m miko!” sabi nya at kinamayan ko sya.

“So san department ka?” sabi nito sa akin.

“Bakit?” sabi ko lang habang naglalakad kami sa loob ng campus.

“Uhm, wala lang! gusto ko lang kasing maging kaibigan kita, masama ba?” sabi nito sa akin at nagtaka ako sa mga nangyayari sa akin ngayon.

Feeling ko ang lahat ng bagay ngayon ay may dahilan, pero ano yun? Para ba talaga sa akin yun?

Kaya tumigil ako at humarap kay Miko.

“Ano bang meron?” sabi ko sa kanya at nabigla naman sya sa sinabi ko.

“Uhm, wala lang naman!” sabi nito sa akin at nainis ako.

“Oh bakit ka pa makikipagkaibigan sa akin? Eh hindi nga kita kilala eh!” sabi ko na napataas ang boses at naglakad ng mabilis.

Naiwan si Miko sa lobby at umakyat na ako papunta sa locker ko.

Pagkadating ko dun ay nakita kong may mga nakasabit na cards at flowers, tinanggal ko ito agad at binuksan ang locker ko, pagkabukas ay napansin kong may card dun at binasa ko ito.

”Kung mababasa mo ito, ibig sabihin na nasa 4^th floor na ako naghihintay sayo at gusto ko ulit makita ang iyong ngiti! –ACE”

Napabuntong hininga naman ako at tinignan ang oras sa aking relo, may ilang minuto pa bago mag umpisa ang klase namin at pumunta sa 4^th floor para sunduin si Ace na naghihintay sa akin.

Nang naglakad na ako sa hallway ay napansin kong nakatingin sa akin ang mga estudyante at napansin kong isa isa silang binibigyan ako ng bulaklak at nagtataka naman ako.

Habang nasa hagdan ay nakita kong may nagbigay sa akin ng teddy bear at ngumiti lang ako sa kanya.

“Malapit ka na!” sabi nya at ngumiti lang ulit ako.

Habang nilalakad ko ang hallway sa 4^th floor kung saan walang classroom at tanging auditorium, AVR, at Library ang mga room dun ay napansin kong may nagbukas ng pintuan sa Auditorium at pinapasok ako.

“Wait ka lang dito ah!” sabi ng isang estudyante at biglang namatay ang ilaw.

“Hey! Wala namang ganituhan oh!” sigaw ko at hinanap ang pintuan dahil sobrang dilim.

“Buti andito ka na!” sabi ng isang pamilyar na boses.

Napatigil ako at tumayo lang.

“Nakikita mo ba ako?” sabi nya at biglang natawa naman ako.

“Baliw ka ba? Paano kita makikita? Eh madilim nga!” sabi ko at bilgang dahan dahang nagkaroon ng mga maliliit na ilaw.

“Sundan mo ang ilaw!” sabi nito sa akin.

Sumunod naman ako at naramdaman kong nasa mataas na lugar ako.

“Ngayon pumikit ka muna at bumilang ng tatlo!” sabi nito sa akin at ginawa ko naman ito.

“Oh bibilang na ako ah!” sabi ko at wala namang sumagot.

“Isa!” sabi ko at naramdaman kong may mga nagtatakbuhan.

“Dalawa!” naririnig kong may nag aayos ng mga upuan.

“Tatlo!” at pagmulat ko ng aking mata ay nakita kong dahan dahang lumiwanag sa loob ng auditorium at nakita kong punong puno ng petals ang loob ng auditorium, at sa isang banda ay lumabas sa dilim si Ace na may hawak na bulaklak.

“Ace?!” sabi ko lang na nabigla ako.

Ngumiti lang ito sa akin at biglang tumugtog ang isang kanta.

[Cher Lloyd: Love me for me]

Hindi ko alam kung ano ang nararamdaman ko, pero awkward talaga ang araw na ito sa akin.

Lumapit sya sa akin at binigay ang isang rose.

“Dahil sayo nabuo ang mundo ko! Dahil sayo ay natutunan kong ngumiti sa bawat umaga na naririnig ang iyong malambing na boses, at ngayon ay andito ka na sa aking harapan!” sabi nito at lumuhod ito sa akin.

Nagulat naman ako sa ginawa nya.

“Teka ano ito?!” sabi ko sa kanya at ngumiti lang sya na parang hindi nya naintindihan ang sinasabi ko.

“Nang dahil sa halik na binigay mo sa akin, dun ko narealize na hindi lang kaibigan ang gusto ko sayo!” sabi nito at napakunot ang noo ko.

“Hoy Ace! Baliw ka na ba?!” sabi ko sa kanya at tumayo naman ito.

“Oo nabaliw ako sayo! Kaya tatanungin kita at sagutin mo ako ng Oo o Hindi lang.” sabi nya at napabugtong hininga ako.

“Pwede ba akong manligaw sayo?” sabi ni Ace at nakita kong lumabas isa isa ang mga tao sa dilim at nakita ko din si Miko dun.

“Ano ito? Set up!?!” sabi ko at ngumiti lang ito sa akin.

Hindi sya sumagot at nakita kong nagkakantyawan ang mga tao sa paligid namin.

“Ken! Sige na! sagutin mo na siya!” sabi ni Miko at natawa ako sa sinabi nya.

“Ano sagot mo?” sabi nya sa akin na parang hindi mapakali.

“Um... masaya naman ako ngayon dahil andyan kayo, gusto ko munang mag isip!” sabi ko sa kanya at binitawan ko ang kanyang kamay.

“KEN!” Sigaw ni Ace at nagtatatakbo ako papalayo sa auditorium at pumasok na sa classroom.

Pagkapasok ko sa room ay napansin kong walang tao.

Maya maya pa’y pumasok si sir Clarence.

“Oh Yoshihara nakapasok ka na pala!” sabi nito at ngumiti lang ako.

“Bakit po wala mga classmates ko?” sabi ko lang at napatingin ito sa akin.

Tumingin sya sa kanyang relo at tumingin sya sa akin.

“Siguro hinihintay ang bell!” sabi nito sa akin at agad syang nagsulat.

“By the way, kunin mo ito at sagutan na! dahil wala ka pang grade sa quiz.” Sabi ni sir Clarence at kinuha ko ang test paper sa kanya.

Habang nagsasagot ako ay narinig ko nagring ang bell at pinasa ko na sa kanya ang test paper at nakita kong nakatingin sa akin sila pagkapasok sa room.

Nakita ko sila Cheryl, Abby at Luke at tumabi sa kanila.

“Ano bang meron at parang awkward ang mga tao!?!” sabi ko sa kanila at ngumiti lang sila sa akin.

Habang nag aaral kami ay hindi ko napansin na pumasok si Ace sa class namin kay sir Clarence pero hindi ko muna sya iniisip, at biglang nag buzz ang speaker at tumahimik ang lahat.

“Paging Mr Ken Yoshihara of Finance department...

Please proceed to AVR immediately!” sabi ng isang babae at agad akong nagpaalam at pumunta sa AVR.

Nakita ako ng mga estudyante at napatingin sa akin, almost lahat ng nadaanan ko ay nakatingin at nakangiti.

Nang maka akyat na ako sa 4^th floor ay agad akong pumasok sa AVR at nakita ko sila tita Margie at tito Polo dun!

“Buti naman magaling ka na!” sabi ni tito Polo at ngumiti lang ako.

“Ken! Ang pogi mo pa din!! I miss you so much! Kelan ka dadalaw sa bahay?” sabi ni tita Margie at napangiti lang ako sa ginawa nila.

Umupo kami at tinapatan ako nila tito Polo at tita Margie.

“Okay straight to the point!” sabi ni tito Polo na nagtaka naman ako.

Nakita kong tumahimik si tita Margie at bigla akong kinabahan.

“Sino ba mahal mo sa mga anak namin?” sabi ni tita Margie at nagulat ako sa sinabi niya sa akin.

“Ah!... Eh... Kasi po... Kaibigan ko lang po talaga sila!...” pagdepensa ko at ngumiti lang sya sa akin.

“Ken, tinuring ka naming part ng family kaya don’t hesitate to tell us kung sino? Kasi we know your secrets!” sabi ni tito Polo at nagulat naman ako.

Mukha akong binuhusan ng malamig na tubig at parang naligo sa espasol sa kaba at halatang namumutla sa mga pinagsasabi nila.

“Your dad tell me all! Kaya hindi naman kami nagagalit kasi alam namin na mabait ka! basta sabihin mo lang sa amin ng papa Polo mo kung sino ang mahal mo sa dalawa kong anak!” sabi ni tita Margie.

“Nabibingi ba ako o talagang totohanan ito? Papa Polo?!!! Bakit?! And why should I choose sa magkapatid? Eh hindi ko pa nga sila pinapayagan manligaw or whatsoever! Bakit ba ako ang pinagtripan ng tadhana? Nakakainis naman!!” sabi ko sa aking sarili.

Niyakap nila ako at naramdaman ko ang init ng pagkakayakap nila.

“Call us Mama and Papa!” sabi nila at ngumisi lang ako dahil hindi pa din napasok ang impormasyon na pinagsasabi nila sa akin.

“Oh bakit nag aalangan ka pa?” biglang pasok ng kanilang lolo na may ari ng school.

“Sir? Kasi po—“ tanging nasabi ko lang at pinutol nya ito.

“It’s okay lang! kahit wala kaming apo sa dalawa na yun ay nakita naman namin na masaya sila sa iyo, pero ikaw masaya ka ba sa nararamdaman mo?” sabi nito at umiling ako.

“Sir will you excuse me, I need to get some air!” sabi ko at umalis bigla para lumabas.

Tumakbo ako papunta sa rooftop at nagsisisigaw.

Naramdaman ko na lang na may yumakap sa akin at hindi ako pinakawalan.

“Tama na Ken!” sabi nito sa akin at biglang patak ng mga luha ko.

 “Ano bang nangyayari bakit kayo ganito?!” sabi ko lang habang nahikbi at nilalabas ang sama ng aking loob.

“Dahil mahal kita!” sabi nito sa akin at napatingin ako sa kanya.

“A...Argel?!” sabi ko nang makita ko sya at hinawakan nya ang aking mukha at pinunasan ang aking luha.

“Oo Ken ako nga ito! Si Argel James Casanova na nagsasabi ng kanyang damdamin!” sabi nya sa akin at natulala ako.

“Argel? Pwede bang itigil mo ang kahibangan mo! Dahil hindi ko kayo maintindihan magkapatid! Ano bang iniisip nyo? Ayokong masaktan na! takot na akong masaktan! Please lang okay na tayong magkakaibigan diba?!” sabi ko sa kanya at nakita kong lumapit sya sa akin at niyakap pa din nya ako.

Nagpupumiglas ako at hindi nya ako binibitawan, narinig kong umiiyak din sya at napatigil naman ako at tinignan siya.

“Bakit ba?! Ano bang meron sa akin at nagkakaganyan kayong magkapatid?!” sabi ko sa kanya.

“Dahil gusto kitang maprotektahan! Dahil mahal kita at wala akong pakielam sa mga tao na huhusga sa ating dalawa! Kahit anong mangyari andito ako at mamahalin kita hanggang sa iyong huling hininga!” sabi ni Argel at nagulat naman ako sa kanyang sinabi.

“Argel?” sabi ko at tumingin naman sya sa akin.

“Pwede ba akong mag isip muna?” sabi ko sa kanya at tumango lang ito sa akin.

Bumaba ako sa rooftop at pumasok ulit sa AVR kung saan andun sila tito Polo, pagkapasok ko ay niyakap nila ako at nagsorry sa akin.

“Sorry kung nabigla ka!” sabi ni tita Margie.

“Okay lang po yun! Alam ko na po ang sasabihin ko sa inyo!” sabi ko sa kanila at agad silang tumingin sa akin.

“Pag iisipan ko po ng maigi dahil sinabi po ng anak nyong si Aaron sa aking panaginip ay makikita ko ang kasiyahan ko kaso nasa dalawang tao yun, at pinapasabi po nya na mahal nya po kayong lahat!” sabi ko at niyakap nila ako.

“Pati ang apo kong si Aaron ay gusto ka!” biro ni sir Casanova at nagtawanan kami.

Bumaba na ako at nakita ang mga classmates ko na papalabas na sa classroom.

“Friend!” sigaw ko kay Cheryl at nakita kong ngumiti ito.

“Magsabi kayo! May alam kayo dito no!” sabi ko sa kanilang tatlo at napakamot ng ulo si Luke at si Abby naman ay sumisipol.

“Sorry friend! Kasi sabi nila Mr Casanova na wag maingay sayo eh!” sabi nya sa akin at ngumiti lang ako sa kanya.

“So anong balita?” sabi ni Luke at nakita akong namumugto ang mata.

“Meet the parents ang eksena! Ayun! Kinausap nila ako then sabi kong pag iisipan ko muna!” sabi ko sa kanila at naglakad kami papuntang cafeteria.

Habang nasa cafeteria ay agad kong napansin na marami nanaman ang tao kaya bumili lang kami at bumaba sa locker area para dun kumain dahil may upuan dun.

Pagkababa namin ay napansin ko nanaman ang locker ko na puno nanaman ng cards kaya binuksan ko ito at pinasok ang mga cards sa loob, pagkasara ko ay nakita ko si Ace, at tinawag siya ni Cheryl.

“Dito ka na sumabay sa amin!” sabi ni Cheryl at napangiti lang ako.

Tumanggi si Ace at napatingin sa akin si Cheryl na sinasabing kausapin ko sya, kaya ginawa ko yun.

“Josef” sigaw ko at agad syang tumingin sa akin at nilapitan ako.

“Ano yun?” sabi nya na halata ang tono nyang nainis.

“Sabay ka na kasi sa amin! Tandaan mo hindi ko pa sinasagot ang tanong mo!” biro ko sa kanya at tumawa ito.

“Joke ba yun?” sabi nito sa akin at tumingin ako sa kanya.

“Sa tingin mo?” sabi ko sabay ngiti sa kanya at bumalik sa pwesto namin.

Napansin kong lumapit na sya sa amin.

“May alam akong lugar na pwedeng umupo!” sabi nya at agad naman silang sumunod kay Ace.

Wala na akong magawa kungdi sumunod sa kanila at umakyat kami sa cafeteria at pumasok sa loob para dun kumain, sa una ay nakakailang kasi para sa mga staff yun ng school, pero sila Cheryl ay parang wala lang sa kanila.

Tumabi sa akin si Ace at napangiti lang ako sa kanya, naging okay na ulit kami ni Ace kaya lang may konting ilang pa din sa kanya dahil sa kanyang sinabi sa akin.

Habang nagtatawanan kami ay may kumalabit sa akin sa aking likod at nakita ko si Argel.

“Pwede bang patabi?” sabi nito sa amin at tumango lang sila Cheryl.

Napatingin naman ako sa kanila at ngumiti lang ito sa akin.

“My God! Please naman!” sabi ko sa aking sarili at nagulat na lang ako nang tumabi sya sa kabilang part at napagitnaan ako ng magkapatid.

“Ken! Eto burger oh!” sabi ni Argel at binigay nya sa akin ang binili nyang burger.

“Thanks!” sabi ko lang.

Napatingin sila Cheryl kay Argel at nagtataka.

“Ken gusto mo ba ng spaghetti?” sabi ni Ace at binigay nya sa akin din ang spaghetti at napatingin naman sila Cheryl kay Ace.

Hangganag sa hindi na makayanan nila Cheryl ang dalawa kaya inawat nya ito.

“Teka nga lang!” sabi nito at hinarangan nya ako sa dalawa.

Napatingin ang dalawa at nagpasalamat ako kay Cheryl.

“Alam nyo, patatabain nyo naman si Ken eh! nakita nyong hindi na nya maubos ang mga binibigay nyo!” sabi nya at hinila ako papalabas ng cafeteria.

“Sorry Cheryl!” sabi ko sa kanya at tumigil sya.

“Ikaw naman! Pwede bang lumayo ka muna sa kanilang dalawa?! Kami nahihirapan eh!” sabi nya na medyo nainis sa ginawa ko.

Tumango lang ako at niyakap naman ako ni Abby.

“Naiintindihan ka namin! Wag ka nga dyang maging emo! Di bagay sayo!” sabi ni Abby at napangiti ako.

“At take note! Silang dalawa ang nanliligaw sayo! My God kung ako lang yan, siguro pinagsabay ko na sila!” biro ni Luke at binatukan siya ni Cheryl.

“Kahit kelan talaga kayo! Hindi kami nagagalit ken, ang amin lang ay dapat ilugar mo ang sarili mo! You’re a college student na! not a high school!” sabi nito sa akin at niyakap ko sila.

Natapos ang araw ko sa school at parang ang lahat ay ngayon pa lang pumapasok.

Nakita ko si daddy at sumakay na ako at umalis na kami.

“Oh anong nangyari sayo?” sabi ni daddy na medyo natatawa sa aking mukha.

“Bakit dad? May dumi ba?” sabi ko at pinatingin nya ako sa salamin.

Nakita kong puro pintura ako dahil nag paint kami sa humanities at hindi ko ito natanggal.

“Oh baka may gusto ka pang puntahan!” sabi ni daddy at umiling lang ako sa kanya.

Biglang nag ring ang phone ko.

“Chelsea!” sabi ko

“Bunsoy ano pala address nyo dyan? Hindi ko pa kasi napapadala yung binili nyo!” sabi nito sa akin at natawa naman ako sa kanya.

Binigay ko ang address namin at contact number.

“Thanks ah! Sino pala kasama mo ngayon?” sabi ni Chelsea at sinabi kong pauwi pa lang ako galing sa school.

“Paki sabi kamusta na lang ah! Sige may gagawin pa akong inventory!” sabi nya at binaba na nya ang phone.

“Oh bakit anong sabi ni Chelsea?” sabi ni daddy sa akin.

“Wala lang po! Yung gift ko kay Jiro hindi napadala kasi hindi alam ni Chelsea yung address natin!” sabi ko at ngumiti lang si daddy.

Nang makauwi na kami ay bumaba na ako at parang maingay ang bahay kaya nagmadali akong pumunta sa kusina kung saan andun si mommy at nagulat ako sa aking nakita.

“Good Evening!” sabi ni Tita Margie

“Oh my God! Ano nanaman ito?!” sabi ko sa aking sarili at ngumiti lang ako sa kanya.

To Be Continue...

Notes:
Ano nanaman ang ibig sabihin na pagbisita ni Tita Margie sa bahay nila Ken?
at ano ano pa ang mga gagawin ng magkapatid para makuha nila si Ken?
Sundan ang susunod NOW NA!