Shooting Stars Episode 17

Nagbabalik ang author na walang ginawa kungdi ubusin ang oras kakahanap ng inspirasyon para magtuloy- tuloy ang storya ni Ken.

Nagpapasalamat po ako sa mga bumubuo ng MNB Facebook page at kay Onichan Kenji dahil isa sya sa mga nagbigay sa akin ng inspirasyon para gawin ang mga storya ko.

Salamat din po sa walang sawang nagbabasa ng aking story!

Especially kila:

Ginno, Angel Marco Menor Aka Marc of K.S.A., Monty, Marshy, Franklin Aviola, Kiero 143,

Zenki of Kuwait, Mark 5337, Sinbad, Frostking, robert_medoza. Anita baker, JD Javra, eunchi, diumar, curious19, Hiya!, Caranchou, nathanielgarcia at sa mga Annonymous at Silent Readers!

Kayo po ang aking dahilan para magkaroon ng inspirasyon! :)

Enjoy Reading Guys!

Note:

Sorry kung hindi na mention ang mga pangalan nyo...

medyo mahirap lang talagang kumonekta sa broadband na gamit ko ngayon.

“Good Evening Ken!!” bati sa akin ni tita Margie.

“Ano pong ginagawa nyo dito tita?” sabi ko at napatingin naman si mommy sa akin.

“Ah... eh... Kasi nagpapaturo ako kay Paula ng pagluluto!” sabi nya sa akin at napangiti lang ako.

“Mommy, akyat muna po ako sa kwarto, medyo napagod po ako sa school eh!” sabi ko at mabilis akong umakyat sa kwarto.

Sinarado ko ang aking kwarto at nagpatugtog ng malakas para mawala ang badtrip na nararamdaman ko sa mga narinig ko kanina.

Pumunta ako sa aking study table at nag aral, naramdaman kong hininaan ang speaker ko at napatingin, nakita ko si kuya ang pumasok.

“May problema ka nanaman ba?” sabi nito sa akin at lumapit sya sa akin.

Dati pa lang ay open na ako kay kuya Kino, kahit anong sikreto ko ay alam nya dahil simula pa nung bata pa ako ay sya na ang nag alaga sa akin, kaya alam nya ang mga nararamdaman ko.

Tinigil ko muna ang ginagawa ko at tumingin sa kanya.

“Oh may problema ka nga!” sabi nya sa akin at napatungo naman ako.

“Paano kasi sila—“ sabi ko at hindi na nya ako pinatapos.

“Sila Ace at Argel ba?” sabi nya sa akin at napatingin naman ako.

“Wag kang mag alala ganyan din ang narinig ko sa pag uusap nila mommy at tita Margie!” sabi ni kuya sa akin at naging blanko ang ekspresyon ng mukha ko.

“Sabi ni tita Margie, yung dalawang anak nila ay laging nakikipag kompitensya sa isa’t isa, nung tanungin naman sila ay sinasabing wala namang problema, pero nung narinig nga nya one time na nag usap ang magkapatid, ay nalaman nyang ikaw nga ang dahilan!” sabi ni kuya at napatungo naman ako.

“Bunso! Wag kang mag alala, hindi ka sinisisi ni tita Margie, kung ako ang nasa kalagayan mo lalayo muna ako sa kanila at mag fo-focus sa pag aaral! Saka na yang usapang puso! Dahil makakasira yan sa pag aaral!” sabi nya sa akin at ginulo nya ang buhok ko.

“Okay kuya! Gagawin ko yang payo mo!” sabi ko sa kanya at tumayo na sya at pumunta sa kwarto nya.

Nag focus ako sa pag aaral nung gabing iyon at nang tinawag ako para kumain ay hindi na ako bumaba at pinadala ko na lang ang pagkain ko sa kwarto, naging routine ko na ang payo ni kuya kahit sa pagpasok ko sa school ay nagbago na din simula nang magkagulo ang magkapatid.

After two weeks ay akala ko nagbago na ang lahat pero nagkamali pala ako...

“Good morning!” bati ko kila Cheryl, Abby, at Luke na kakadating lang din.

“Oh natapos mo na ba yung report natin sa Anthro?” sabi ni Cheryl at tumango ako.

Pinakiusapan ko ang professor ko na makipagpalit at gawing partner si Cheryl pumayag naman sya at nakita ko naman si Ace na tumango sa pakiusap ko.

“Tara na pumasok!” sabi ni Luke at Abby na parang excited.

“Kinakabahan ako!” sabi ko at inakbayan ako ni Cheryl.

“Wag kang mag alala! Kaya natin yan!” sabi nito sa akin at ngumiti ako.

Pagpasok namin ay nakita kong nagbago ang ayos ng seat at nakita kong handa na ang projector para sa presentation namin.

“Okay class! Last topic ay kila Ace at Luke, now next presenter?” sabi ng Professor namin at tumayo na kami.

Nilabas ko ang laptop ko at kinabit sa projector, nararamdaman ko ang kaba sa aking dibdib at hinawakan ako ni Cheryl para pakalmahin.

“Good morning class me and my buddy have two topics to discuss, first is the language and culture and Language that influence the culture to be presented later by Ken Yoshihara!” sabi ni Cheryl at nagpalakpakan sila.

Walang napasok sa aking impormasyon nung mga oras na yun at habang binabasa ko ang aking script ay biglang nag vibrate ang phone ko.

“Galingan mo!” text ni Argel sa akin at napatingin ako sa pintuan at nakita ko syang nakatingin sa akin.

Binalewala ko na lang yun at nagpatuloy sa aking pagbabasa nang biglang may isa pang text na pumasok.

“Good luck Ken!” text ni Ace at napatingin naman ako sa kanya na katabi nya si Luke at Abby, pero hindi sya nakatingin sa akin kaya binalewala ko na lang yun at pinatay muna ang phone ko.

Nang matapos na si Cheryl magreport ay agad na nya akong tinawag.

“Good Morning Classmates! My topic is all about language that influence/affects the culture, now let’s look back what my buddy said earlier, that language is the primary source that a person could communicate, and now we take back to my topic which is the influence of language.” Sabi ko at nakita ko ang lahat ay nakatutok sa akin.

Nagsimula na ako magreport at napansin ko sila na napapangiti sa akin.

“Excuse me Mr Reporter!” taas ng kamay ni Ace at napatingin naman ang lahat sa kanya.

Nakita ko si Cheryl na sumesenyas na maging formal lang sa kanya.

“Yes?” sabi ko lang at tumayo ito.

“Sabi mo kanina na maraming pinang galingan ang language, my question is what about infatuation? Diba parang language din sya?” sabi ni Ace at natahimik ako ng ilang segundo.

“Well thanks for that nice question Mr Ace, well as a matter of fact infatuation means your mind or thought tell that you have an admiration to a person who makes every time important” sabi ko at parang ako ang natamaan dun kaya bumawi ako sa aking sumunod na explanation.

“For example your friends! Maraming klase ang pagkakaibigan, pero nung pinahalagahan mo ang isang bagay ay hindi na pagkakaibigan yun, admiration na tawag dun!” sabi ko at umupo na sya.

Natapos akong magreport at tumayo kami ni Cheryl para magpasalamat sa kanila, at binigyan kami ng applause at pati ang professor namin ay pumalakpak.

“Sabi ko sayo eh!” bulong sa akin ni Cheryl at ngumiti lang ako.

Nag ring na ang bell at napansin naming lunch break na kaya niligpit na namin ang mga gamit namin at tumulong sila Luke at Abby.

“Tara may alam akong bagong bukas na Resto!” sabi ni Luke at ngumiti kami.

“Para kay Papa Ken treat namin kayo!” sabi ni Abby at nagpasalamat ako.

Lumabas na kami ng classroom at naglakad na pababa, nakasalubong namin ang grupo ni Argel at napatigil kami.

“Pare kamusta?!” bati sa akin ng isa sa mga kaibigan ni Argel.

Tumango lang ako at ngumiti at nang maglalakad kami ay naisip kong pumunta muna sa locker para ipasok ang mga report namin.

Nang makapunta kami ay nakita ko nanaman na may card dun pero parang kakaiba ito, kaya nilagay ko muna ang mga report namin at kinuha sya para basahin mamaya sa carinderia.

Habang naglalakad kami pababa ng lobby ay nakita ko si Vhin na captain ng tennis team ng school namin at lumapit ito sa akin.

“Yo Ken!” bati nya sa akin at nag apir kami.

“Oh kamusta?” sabi ko sa kanya.

“May meeting later! See yah!” sabi nito sa akin.

“Teka? Diba di pa ako kasali dyan? Trainee pa lang naman ako ah!” sabi ko sa kanya at ngumiti ito sa akin.

“May promotion na magaganap!” sabi lang nya sa akin at tumakbo na papalayo sa amin.

Tumingin sila Cheryl sa akin.

“Sasama ba kayo?” sabi ko sa kanila.

“Loko ka ba? Boses namin ang pinuhunan nung nag apply ka dyan! Tapos hindi kami sasama ngayon?” sabi ni Cheryl at ngumiti ako.

“At FYI wala kaming pakielam kung hindi ka makasali sa promotion! At least andun ka pa din sa tennis team na pinaghirapan mo!” sabi ni Abby at inakbayan ko ito.

“Kami kaya ang mga fans mo!” sabi lang ni Luke at tumawa silang dalawa ako naman ay napakamot ng ulo.

“Kayo talaga! super support sa akin ah!” sabi ko lang sa kanila at ginulo ang buhok ko.

Naglakad na kami sa pathway papalabas ng campus para puntahan ang sinasabi ni Luke na bagong bukas na carinderia.

Habang naglalakad kami ay biglang nagulat si Cheryl sa bola ng basketball dahil tumama ito sa pader na katapat namin at napatigil naman kami, napatingin ako kung sino ang gumawa at nakita ko ang mga baketball players at lumapit ang isa sa amin.

“Okay lang ba kayo?” sabi nito at naalala ko si Argel sa kanya.

“Oo muntikan lang!” biro ni Cheryl at umalis na kami.

Pagkalabas ng campus ay naglakad kami sa esquinita at pagkalabas namin ay nakita ko ang hale- halerang carinderia at resto na tumatawag sa amin para kumain sa kanilang tindahan.

“Tara dito tayo!” sabi ni Luke at sinundan namin sya.

Nagulat ako nung tumigil si Luke sa isang restaurant at nabasa ang pangalan nito.

“KENYOS Grill” sabi ko at napatingin naman kami kay Luke.

“Okay ano to?” sabi ni Cheryl kay Luke at nagtataka kami.

“Ahh... Heh Heh! Basta pumasok na lang tayo!” sabi ni Luke at pumasok na lang kami.

Ang ganda ng ambience dahil sa kulay, at ang design ng interior ay maganda din, may mga bonsai sa gitna ng mga lamesa na parang japanese ang sineserve nila.

“Good afternoon mga bata!” bati ng isang pamilyar na boses.

“Tita Margie!” pagkakagulat ko at nagtinginan ang mga kumakain sa akin.

“Hehe! Surprise!” sabi nya at napakamot lang ako ng ulo.

“Mare!” sabi ng isang pamilyar na boses na nanggaling sa aking likuran.

“Mommy!?!” pagkakagulat ko at ngumiti ito sa akin.

“Surprise?” sabi ni mommy at napatango lang ako.

“Kami ni mareng Paula ang nagmamanage dito! At tignan nyo ang menu namin!” sabi ni tita Margie at pinagmalaki ang menu nila.

Naghanap kami ng upuan at pinapunta kami sa taas at nakita kong may menu book dun kaya agad kong binasa ito.

“Ken’s Choc?” sabi ni Cheryl at natawa naman sila.

“Argel’s Burger?!” gulat na sabi ni Abby.

“Ace of Veggie?!” sabi naman ni Luke na natawa naman kami sa pangalan.

“Oh meron pa!” sabi ko.

“Cheryl and Lemon!” sabi ko nang mabasa ko ang drinks nila.

“Eto mas grabe oh!” sabi ni Cheryl.

Tumingin kami sa kanya.

“Abby’s Nightmare Heaven!” sabi ni Cheryl at naghagalpakan kami sa kakatawa.

“Meron akong bawi!” sabi ni Abby.

At tumahimik kami nang makita namin ang mukhang palabiro ni Abby.

“Lukeys and Cream!” sabi ni Abby at naghagalpakan kami sa kakatawa.

Umakyat sila mommy at tita Margie sa amin at nakitang nagtatawanan kami.

“Nagustuhan nyo ba ang concept?” sabi ni tita Margie at tumango lang kami.

“Oh alam ko na ang kakainin nyo! Geh dun muna kami ah!” sabi ni tita at sabay na bumaba sila mommy at tita Margie.

Habang naghihintay ay napansin ko si Argel at Ace sa isang banda ng carinderia kaya napatingin naman ako kay Luke.

“Teka lang guys ah! Kakausapin ko lang si Luke sa CR!” sabi ko at hinila ko si Luke.

Nang makapunta kami sa CR ay agad kong hinarap si Luke.

“Okay Luke! Sabihin mo ang totoo sa akin?!” sabi ko sa kanya at napangiti naman ito.

“Ken, sinabi sa akin ni Argel at Ace itong resto nila tita, kaya naisip namin na pagtagpuin kayong tatlo dito! And besides wala namang masama diba? Dahil wala ka pang napipili sa kanila?!” sabi nya sa akin at nahimasmasan ako sa sinabi nya.

“Tama ka nga wala pa naman akong pinipili sa kanila pero diba sabi ko sa inyo na iiwasan ko muna sila?” sabi ko at tinapik nya ang balikat ko.

“Ken it’s almost 2 weeks na simula nung iniwasan mo sila! And I am sure hindi naman sila tanga para hindi magets yun! Kaya alam namin na okay na ang situation! Tama na ang pagtakbo sa kanila! Face them!” sabi ni Luke at niyakap ko sya.

“Oh tama na ang powder ko sa mukha ko baka matanggal!” biro nya sa akin at agad naghilamos kami.

“Tara na ba?” sabi nya sa akin at tumango ako.

Lumabas kami sa CR at inakbayan ko sya na parang walang nangyari.

“So nalaman mo na?” sabi ni Abby at tumango lang ako, nakita ko naman si Cheryl na ngumiti sa akin at tinawag ang dalawa.

“Hi guys! We miss you!” sabi nila sa magkapatid at ako naman ay hindi makapagsalita.

“Kamusta naman ang buhay buhay after 2 weeks?!” sabi ni Cheryl na parang ako ang pinapatamaan.

“Okay lang naman! Narealize namin na hindi dapat kami magpadalos dalos sa mga desisyon kasi alam naming nahihirapan ang isang tao dyan!” sabi ni Argel at napatingin silang dalawa sa akin.

“Oh eto na mga order nyo!” singit nila mommy at tita Margie na parang alam na din ang mga ginawa nila sa akin.

“Another set up!” sabi ko at nagtawanan sila sa akin.

Habang nakain kami ay napansin ko ang pader na parang pamilyar sa akin, kaya tinapos ko ang pagkain ko at lumapit sa pader.

Nakita ko na pwedeng magsulat sa dingding at nakita ko ang mga nagsulat ng kanilang nararamdaman at ang mga galit, at biglang may nagsalita sa likuran ko.

“Pwede ka namang magsulat dyan eh!” sabi nito.

“Ace?” sabi ko at ngumiti ito sa akin.

Binigyan nya ako ng marker at lumayo muna sya sa akin, kumuha ako ng pwesto at nagsulat na.

“Dear Fate,

Ang saya ng buhay ko! Parang nasa isang pelikula! Pero bakit mali ang pasok ng mga character sa buhay ko?!

Masaya na nga eh! kaso bakit hinalo mo at ginulo mo ang isip ko? Ngayon hindi ako makatulog dahil sa iniisip ko ang mga sinasabi nila Ace at Argel!

Nilayuan ko na nga sila pero bakit pinapalapit nyo pa din sila sa akin? Ano ba ang gusto mong mangyari? Maging komplikado ang buhay ko?!

Sana naman maging okay na ang lahat!

                                                            KenYosh”

Bumalik ulit ako sa aking inuupuan kung saan pinapagitnaan ako nila Ace at Argel ulit, pero ngayon ay nakakapanibago dahil hindi na sila katulad ng dati na nagpapagalingan, ngayon ko lang namiss ang mga kakulitan nila.

“Oh eto na ang Ken’s Choc!” sabi ni tita Margie at binaba ang chocolate cake na gawa nila ni mommy.

“Wow! Sarap naman!” sabi ni Abby at ngumiti lang si tita Margie.

“Just like me!” sabi ko at napatingin sila sa akin.

“What?!” sabi ni Luke at napatingin naman ako sa kanila.

“Ito yung ginagawa ni mommy sa akin kapag may star ako nung preschool pa lang ako! Hanggang ngayon kapag may achievements ako ito ang ginagawa nya sa akin!” sabi ko at napangiti naman sila sa akin.

“Oh eto achievements!” sabi ni Ace at pinahid sa akin ang icing ng cake.

Nagulat naman ang lahat at gumanti ako sa kanya, pero natamaan ko si Argel kaya nagumpisa na ang rambulan sa icing!

Natapos kami at bumalik na ang mga sigla namin nila Ace at Argel bilang magkakaibigan, kaya kinuhaan kami ng picture ni tita Margie para ilagay sa resto.

“Oh maglinis na kayo ng mga mukha nyo! Malapit na kayong mag time!” sabi ni mommy sa amin at binigyan kami ng towel.

“Oh kayong apat dun sa boys room!” sabi ni mommy at pumunta kami dun.

Habang naglilinis si Luke ay nakita ko silang dalawa na nakatingin sa akin at natatawa.

“What?” sabi ko.

“Wala!” sabi ni Ace at natatawa pa din.

“Ang dungis mo!” sabi naman ni Argel at sabay silang natawa.

Natapos na si Luke at iniwan kaming tatlo sa loob.

Nauna akong naghilamos at nakita kong pumasok si Ace sa cubicle para magbawas ng tubig.

Naramdaman kong niyakap ako ni Argel at nagpumiglas ako, at humarap sa kanya.

“Bakit ba?” sabi ko sa kanya na medyo naiinis.

“Wala lang namiss lang kita eh!” sabi nya sa akin at natulala naman ako.

Lumabas si Ace at nakita ako, pinuntahan nya ako at tinignan si Argel.

“Sige na! maghilamos ka na dun!” sabi nya at tinapos ko ang paghihilamos.

Nang matapos ako ay lumabas na agad sa boys room at pumunta sa inuupuan namin kanina pa.

“Oh okay na ba?” sabi ni Chery habang inaayos nya ang kanyang make up.

“Penge ngang powder!” sabi ni Luke at binigyan sya ni Abby.

Habang nag aayos kami ng aming sarili nakita ko si Ace lumabas na din at naiwan si Argel sa boys room kaya nagpaiwan muna ako dahil bigla akong nakaramdam ng kaba.

Alam kong may class na ako ng mga oras na yun at hindi pa din lumalabas si Argel kaya pinuntahan ko ito sa room.

Pagkabukas ko ng pinto ay nakita kong duguan si Argel at agad ko syang tinulungan.

“Sino ang may gawa sa iyo nyan?” sabi ko habang tinatayo sya.

“Wala sinuntok ko lang yung pader!’’ sabi nya sa akin at pinaharap ito.

Hinawakan ko ang kamay nyang nagdudugo at narinig kong umaaray sa sakit si Argel.

“Wag ka kasing makulit!” sabi ko sa kanya at pinunit ko ang aking polo.

Nagulat sya sa ginawa ko at hindi na lang sya umimik pa, nakikita kong nasasaktan sya kapag nililinis ko ng tubig ang kanyang sugat, nang matapos kong linisin ang sugat ay agad ko syang binalutan ng tela na galing sa aking polo.

“Salamat ah!” sabi nito sa akin at tumingin lang ako sa kanya.

“Sabihin mo ano bang nangyari at sinuntok mo ang pader?” tanong ko sa kanya at umiling lang ito sa akin.

Kinuha ko ang phone ko at nagtext kila Cheryl na hindi ako makakapasok ng class.

“May problema ba friend?” reply sa akin ni Cheryl at agad akong tumawag sa kanya.

“Cheryl! Si Argel nanuntok ng pader kaya ayun! Dumugo ang kamay nya at ginamit ko ang polo ko para ibenda sa kanyang kamay!” sabi ko sa kanya.

“Ganun ba? O sige dalhin mo sya sa clinic pagpasok nyo sa school para magamot agad okay!” sabi ni Cheryl at binaba ko na ang phone.

Agad kaming lumabas at bumaba, sa likod kami dumaan para di makita nila tita Margie at mommy ang nangyari kay Argel.

Nang makapasok kami sa campus ay agad ko syang pinunta sa clinic at dun na ginamot ng nurse na naka duty dun.

“Oh sino ang nag first aid sayo?” sabi ng nurse kay Argel at tumingin lang sa akin.

“Buti na lang naagapan mo! Medyo malalim ang mga sugat nya sa kamay!” sabi nito sa akin at tumingin lang ako.

“Oh teka lang ah! Kukuha lang ako ng gamit!” sabi ng nurse at pumunta sya sa cabinet para kunin ang mga gamit.

Nang malapatan na sya ay narinig kong namimilipit sa sakit si Argel kaya pinahawak ko ang kamay ko sa kanya.

“Kapag masakit pisilin mo ang kamay ko!” sabi ko sa kanya at tumingin lang sya sa akin.

Habang nilalagyan sya ng gamot sa sugat ay naramdaman kong pinisil nya ng mahina ang kamay ko at nagsisisigaw sa sakit, nagtaka naman ako sa ginawa nya.

“Oh ayan! Tapos na!” sabi ng nurse at nakita kong nakabenda na ng maayos ang kamay ni Argel.

“Sige pagpahingahin mo muna sya!” sabi ng nurse at naramdaman kong hindi pa din bumibitaw si Argel sa akin.

“Pwede bang sya ang magbantay sa akin?” sabi ni Argel at hindi na makahindi ang nurse kaya pumayag ito.

Naiwan kami sa may clinic at hindi pa din ako binibitawan ni Argel kahit natutulog na ito.

Narinig ko na lang na nagsasalita sya habang tulog kaya pinakinggan ko ito.

“Hindi mo sya makukuha sa akin! Dahil ako ang magpoprotekta sa kanya!” sabi nito at napangiti lang ako sa kanya.

Hinaplos ko ang kanyang buhok at nakita kong napangiti ito, at hinayaan syang matulog habang hawak nya ang kamay ko.

Maya maya pa’y narinig ko ulit syang nagsalita.

“Hindi kita mapapatawad Ace!” sabi lang nya at nagulat ako sa aking narinig.

To be continue...

Next Chapter Teaser:

Ano kayang sinabi ni Ace kay Argel at nagkaganun siya?

Sino kaya ang mas matimbang kay Ken? Si Ace ba o si Argel?

Abangan ang mga nakakakilig na tagpo at nakakalokang eksena...