Elemental Heroes: Origins - Chapter 4

Ako si Ana, at ito ang aking pagtuklas bilang Elemental Guardian.

CHAPTER 4          ‘FIRE ELEMENTAL GUARDIAN AWAKEN!’

ANA ALBAY

8:00 na ng gabi.

Tila mga apoy na lang na ginawa ko ang nakikita sa paligid. Ang bangkay ng nasunog na Striker ay naging abo na.

12 hours ago . . .

‘VULCAN, KUYA, sino ka man. Tulungan mo akong buksan ang aking isipan para gamitin muli ang kapangyarihang pinagkaloob sa akin ng Elemental Spirits limang taon ang nakakalipas.’ pakiusap ko sa aking isipan.

‘NAGMAMAKAAWA NA ANG MAHAL NA PRINSESA SA KANYANG BUHAY. NAPAKA-BOBO NAMAN NG MGA NINUNO NAMIN NA IBIGAY ANG ISANG BATO SA MAHINANG NILALANG NA TULAD NG BABAENG I . . . TO . . .’ Natigilan si Striker sa kanyang nakita.

‘SINONG TINATAWAG MONG MAHINA?’

Ako iyon. Nabuksan ang hiniling kong pakiusap kay Vulcan para protektahan ang bato sa aking mga kamay.

Ako, isang prinsesang nalayo sa kaharian para maging isang tinadhanang Elemental Guardian.

‘Hindi maaari. Ayon sa aking prinsipe . . .’ nangangatal na sagot ni Striker.

‘NA ANO?! WALANG ALAM SA KAPANGYARIHANG TINATAGLAY KO. PWES, NAGKAKAMALI KA. ANG PROPESIYA AY MAGSISIMULA . . .

NGAYON.’ Sabay kumpas ng aking mga kamay gamit ang ibang apoy. Si Vulcan, ang aking nakatatandang kapatid, ang una kong apoy na nabuo.

‘SUMMON FIREBALL! FIRST DRAGON, VULCAN!’ pagtawag ko sa sumasabog na apoy na galing sa kanya.

Pilit na iniilag ni Striker ang mga atake ko sa kanya.

‘Pa’no mo nagagawa ang mga ito sa isang araw lamang.’ tanong sa akin ni Striker.

‘Tinuruan ata ako ng isang bihasa sa paggamit ng apoy.’ sagot ko sa kanya. ‘Bakit? Natatakot ka na?’ panloloko ko pa sa kanya.

‘MAYABANG NA GUARDIAN!’ At nilabas ni Striker ang kanyang dalawang patalim na nakatago sa kanyang mga braso. ‘ETO ANG MAGPAPATIGIL SA’YO!’

‘AAAAAAAAAAAAAAAHHHHHHHHHHHH! Tinamaan ako.’

‘Hindi ikaw ang may surpresang tinatago. AKO DIN! Eto pa!’

Sa sobrang bilis ni Striker, hindi ko ma-predict kung saan siya tutungong kasunod. Napakabilis niya. Kaya sunud-sunod ang hiwang nakukuha ko sa kanya. Malalim ang sugat na nakuha ko sa may braso at tila gusto ng bumigay ang katawan ko.

‘RUANA…’

‘VULCAN . . . ?’

‘Magpakatatag ka. Isa ito sa mga pagsubok na dapat mong harapin bilang Elemental Guardian, lumaban na parang sundalo sa gitna ng giyera. Tandaan mo, ang katulad mo ay napaka-dalang sa ating pamilya. Ang anak na lalaki lamang ng hari ang binibiyayaan ng ganitong regalo.’

‘KUYA . . .’ paiyak kong sagot kay Vulcan habang kinakausap ko ang kanyang nag-aalab na anyo gamit ang aking isipan. ‘Hindi ko kayo bibiguin ni Lolo.’ Ngumiti lamang sa akin si Nadare.

Humarap ako kay Striker. Gamit ang natitira kong lakas. Naglabas ako sa unang pagkakataon ng pulang apoy, isa sa mga maiinit kong nagamit sa aking kalaban. Kinumpas ko ito sa kanya at natunaw ang bakal sa kanyang katawan samantalang ang natitirang laman niya ay unti-unti ng nasusunog.

Doon ko nakita ang nakakatakot kong nagawa sa kapangyarihan ko.

‘Maghanda ka Elemental Guardian. Hindi lamang ako ang magtatangka sa buhay niyo. May mga nakapaligid ng mga kampon ni Prinsipe Darken sa lungsod niyo at once na nahuli at nakuha ang natitirang mga bato, ang mundo na tinawag mo ng tahanan ay madadamay. WAHAHAHAHAHAHA!’ huli niyang mga salita bago siya tuluyang kinain ng apoy na binalot ko sa kanya.

Present time . . .

Hindi ko alam kung saan ako magsisimulang maghanap para sa mga kasamahan kong may hawak ng Elementon. Ang tanging natatandaan ko lang no’ng kami ay tuluyang kinain ng liwanag sa teleportation spell ni Vulcan.

‘Ruana . . .’

‘Vulcan, kailangan ko ang tulong mo. Kailangan nating hanapin ang natitira pang Guardians dito. Alam ko sa sarili ko na hindi ko kakayanin mag-isa, but once na makahanap ako ng isang Elemental Guardian mapapadali ang aking paghahanap.’

‘Nag-aalala ka siguro sa sinambit ni Striker sa’yo. Huwag kang mag-alala. Hindi lang ikaw ang nagising sa iyong nakaraan . . .’

‘Ano’ng ibig mong sabihin?’

‘Katulad mo, pagpatak ng inyong ika-labing-anim na kaarawan, ang ala-ala niyo ay magbabalik sa pamamagitan ng isang panaginip o premonition. Sa antas ng inyong katawan, magagamit niyo ng wasto ang kapangyarihan ng Elementon sa abot na ng inyong makakaya. Ngunit iba ang nangyari sa’yo, dahil sa emosyon na pinakita mo sa mga lalaking gustong magtangka sa buhay mo. Nagising ang konting diwa mo para ipagtanggol ka sa masasama.’ paliwanag sa akin ni Vulcan.

Sa mga oras na iyon, nakita ko sa aking mga mata ang mangyayari sa hinaharap . . .

BITAWAN NIYO ANG ATE KO! ATE GE!

MAGPAALAM KA NA SA ATE MO!

ALVIN!

[Sonic scream]

Need help?

ELEMENTAL HERO, POWER UP!

Ang mga taong yun, makikilala ko sa hinaharap? May mga ka-Guardian akong mamamatayan ng kamag-anak, may magmamahal ng sobra at ibibigay ang kanyang buhay para tulungan ang iba kesa sa sarili niya?

‘Ang tawag sa ability na ‘yan ay precognition Ruana. Isa din ito sa mga natatanging abilidad ng ating angkan. Bawat detalye dapat kang mapanuri. Magiging susi mo ito sa iyong paghahanap sa mga Elemental Guardian na naririto lamang sa siyudad.’ paliwanag nito sa akin.

Napatingin ako sa bilog na buwan habang nakatanaw ito sa karagatan. Naaalala ko ang unang araw ng aking pagdating sa lugar na ito. Napakapayapa.

Hindi ko namalayang nakatulog na pala ako sa pwesto ko.

‘Simula sa araw na ito, hindi ka na mag-iisa. Habang nabubuhay ako sa iyong puso, ipagtatanggol kita sa iyong mga kaaway.

Hanggang dito na lang ako aking kapatid, tawagin mo na lang ako sa oras ng panganib.’ Bumalik na sa aking mga kamay si Vulcan.

Hindi ko alam kung anong magaganap sa hinaharap, pero tinitiyak kong magiging handa ako sa mga pagsubok ibibigay sa akin ng tadhana.

[To be continued . . .]